ഇ​ടു​ക്കി: ഗ​വ.​ മെ​ഡി​ക്ക​ൽ കോ​ള​ജി​ലേ​ക്കു​ള്ള ഇ​ന്‍റേണ​ൽ റോ​ഡു​ക​ളു​ടെ നി​ർ​മാ​ണ​ത്തി​ന് റീ ​ടെ​ൻ​ഡ​ർ ന​ട​ത്തു​ന്ന​തി​നും ആ​ശു​പ​ത്രി​യു​ടെ പ്ര​വ​ർ​ത്ത​ന​ങ്ങ​ൾ​ക്ക് ആ​വ​ശ്യ​മാ​യ 11 കെവി ലൈ​ൻ സ്ഥാ​പി​ക്കു​ന്ന​തി​നും അ​ടി​യ​ന്ത​ര​മാ​യി ടെ​ൻ​ഡ​ർ ന​ട​പ​ടി​ക​ൾ സ്വീ​ക​രി​ക്കു​ന്ന​തി​നും മ​ന്ത്രി​മാ​രു​ടെ നേ​തൃ​ത്വ​ത്തി​ൽ ന​ട​ന്ന ഉ​ന്ന​ത​ത​ല യോ​ഗ​ത്തി​ൽ തീ​രു​മാ​നി​ച്ചു.
മ​ന്ത്രി​മാ​രാ​യ വീ​ണ ജോ​ർ​ജ്, റോ​ഷി അ​ഗ​സ്റ്റി​ൻ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ഓ​ണ്‍​ലൈ​നാ​യി യോ​ഗം ചേ​ർ​ന്ന​ത്.

ഇ​ന്‍റേ​ണ​ൽ റോ​ഡു​ക​ളു​ടെ നി​ർ​മാ​ണ​ത്തി​ന് 18.36 കോ​ടി​യും വൈ​ദ്യു​തീക​ര​ണ​ത്തി​നാ​യി 11.40 കോ​ടി​യു​മാ​ണ് അ​നു​വ​ദി​ച്ച​ത്. വൈ​ദ്യു​തി എ​ത്തി​ക്കു​ന്ന പ്ര​വൃത്തി​ക​ൾ വൈ​കു​ന്ന​ത് ആ​ശു​പ​ത്രി​യി​ലെ വി​വി​ധ യ​ന്ത്ര​ങ്ങ​ൾ പ്ര​വ​ർ​ത്തി​ക്കു​ന്ന​തി​നും ലി​ഫ്റ്റ് ഉ​ൾ​പ്പെ​ടെ​യു​ള്ള സ​ജ്ജീ​ക​ര​ണ​ങ്ങ​ൾ ഏ​ർ​പ്പെ​ടു​ത്തു​ന്ന​തി​നും ത​ട​സ​മാ​യി​രു​ന്നു.

ഏ​താ​നും വ​ർ​ഷ​ങ്ങ​ൾ​ക്ക് മു​ൻ​പ് വൈ​ദ്യു​തീ​ക​ര​ണ ജോ​ലി​ക​ൾ​ക്കാ​യി ടെ​ൻ​ഡ​ർ ന​ൽ​കി​യി​രു​ന്നെ​ങ്കി​ലും ക​രാ​റു​കാ​ര​ൻ പാ​തി​വ​ഴി​യി​ൽ പ്ര​വ​ർ​ത്ത​നം നി​ർ​ത്തി​യ​ത് തു​ട​ർപ്ര​വ​ർ​ത്ത​ന​ങ്ങ​ളെ ഏ​റെ ബാ​ധി​ച്ചി​രു​ന്നു. ഈ ​സാ​ഹ​ച​ര്യ​ത്തി​ൽ നി​ല​വി​ൽ ചെ​യ്ത പ്ര​വൃ​ത്തി​ക​ൾ​ക്ക് മാ​ത്രം ക​രാ​റു​കാ​ര​ന് പ​ണം ന​ൽ​കു​ന്ന​തി​നും ശേ​ഷി​ക്കു​ന്ന ജോ​ലി​ക​ൾ പു​തി​യ ക​രാ​റാ​യി ന​ല്കു​ന്ന​തി​നു​മാ​ണ് തീ​രു​മാ​നം.

എം​ബി​ബി​എ​സ് വി​ദ്യാ​ർ​ഥി​ക​ൾ​ക്കാ​യി നി​ർ​മി​ച്ച ഹോ​സ്റ്റ​ലു​ക​ളു​ടെ പൂ​ർ​ത്തി​ക​ര​ണം മ​ന്ത്രി​മാ​ർ വി​ല​യി​രു​ത്തി. മൂ​ന്നു​മാ​സ​ത്തി​ന​കം ഹോ​സ്റ്റ​ൽ നി​ർ​മാ​ണം പൂ​ർ​ത്തി​യാ​ക്കി കൈ​മാ​റ​ണ​മെ​ന്ന് നി​ർ​വ​ഹ​ണ ഏ​ജ​ൻ​സി​യാ​യ കി​റ്റ്കോയ്ക്ക് ആ​രോ​ഗ്യ മ​ന്ത്രി നി​ർ​ദേ​ശം ന​ൽ​കി. കാ​ത്ത്‌ലാ​ബ് തു​ട​ങ്ങു​ന്ന​തി​നാ​വ​ശ്യ​മാ​യ തു​ക ഇ​ടു​ക്കി പാ​ക്കേ​ജി​ൽനി​ന്ന് അ​നു​വ​ദി​ച്ച് ല​ഭി​ക്കു​ന്ന​തി​ന് ന​ട​പ​ടി​ക​ൾ സ്വീ​ക​രി​ക്കും. പു​തു​താ​യി ആ​രം​ഭി​ച്ച ന​ഴ്സിം​ഗ് കോ​ള​ജ് വി​ദ്യാ​ർ​ഥി​ക​ൾ​ക്ക് താ​മ​സസൗ​ക​ര്യം ഏ​ർ​പ്പെ​ടു​ത്തു​ന്ന​ത് യോ​ഗം വി​ല​യി​രു​ത്തി.

ആ​രോ​ഗ്യ വി​ദ്യാ​ഭ്യാ​സ ഡ​യ​റ​ക്ട​റും ടെ​ക്നി​ക്ക​ൽ ക​മ്മി​റ്റി അം​ഗ​ങ്ങ​ളും അ​ടു​ത്ത ദി​വ​സംത​ന്നെ സ്ഥ​ലം സ​ന്ദ​ർ​ശി​ച്ച് ന​ട​പ​ടി​ക​ൾ പൂ​ർ​ത്തീ​ക​രി​ക്കു​ന്ന​തി​നാ​യി യോ​ഗം ചു​മ​ത​ല​പ്പെ​ടു​ത്തി.